«Ұлы Жібек жолының бойымен»

Ақмола облысы, Целиноград ауданы Қабанбай батыр ауылы «Балауса» балабақшасында елбасымыз Н.Ә. Назарбаевтың Болашаққа бағдар: «Рухани жаңғыру» атты мақаласы аясында түрлі қызықты, мағыналы іс-шаралар өтіп жатыр. Соның ішіндегі ерекше шараның бірі- «Ұлы Жібек жолының бойымен» атты мерекелік, тарихтан сыр шерткізген қызықты, әрі есте қаларлық шара болды. Бұл іс-шара барысында өз еліміздің қонақжайлығын, мейірімділігін, кең жазиралы, дархан далалы, төрт түлікті төлдеткен, ертеңгі күніне сеніммен қарайтын, тарихы терең, дәстүрге бай, бәйтеректей бұтағын жайған құтты ел екендігімізді көрсете білдік.

Ат терлетіп, түйемен жүктерін арқалап келе жатқан түрік, қытай, өзбек, үнді елдеріне тура бағыт-бағдар көрсетіп, шөл даламен, ойпатты қыраттардан, аспанмен ақтасқан шыңдардан,көпірлер арқылы жол көрсетіп, ғасырлар құпиясының шырайлы шахары Қазақ елінің жәрмеңкесіне жету болды.

«Ұлы жібек жолының бойымен» атты жәрмеңкеге келген елдер ретінде біздің «Балауса» балабақшамыздың ересек және даярлық топтары болатын. Тәрбиеші апайларымыз тәрбиеленушілерімен тыңғылықты дайындалып, өз елдерінің

дәстүрлерімен, ұлттық киімдерімен, көне тарихтарынан сыр шерткіздіріп, өнерлерін ортаға паш етті. Іс-шарамызды тамашалауға келген ата-аналар комитеті және Целиноград аудандық достық орталығының мүшелері де өз ризашылықтарын, алғыстарын айтты.

Біздің елбасымыз Н.Ә.Назарбаев Болашаққа бағдар: «Рухани жаңғыру» атты мақаласында айтылғандай, тарихтың ащы сабағын түсініп қана қоймай, өзіміз күнде көріп жүрген қазіргі құбылыстардан ой түйіп, болашақтың беталысына қарап, пайым жасай білу де айрықша маңызды.