Жаратылыстану тақырыбы: «Үй жануарларының қандай пайдасы бар?» ересек "Жас ұлан"тобы

Тәрбиеші: Аубакирова М.Ж.

Мақсаты:

1.Үй жануарларының пайдасы туралы ,олардың төлдері туралы білу.

2.Үй жануарларының әрқайсының өзіне тән қасиетін айту.

3.Үй жануарларына қамқор болу,оларды күте білуге баулу.

Көрнекіліктер:Үй жануарларының суреттері төлдері,үнтаспа.

Қостілділік:

Үй жануарлары-Домашние животные.

Амандасу:

Алдымызда кезіккен

Көп танысты көреміз

Бәріне де ізетпен:

 «Сәлеметсіз бе,ағай »деп

 «Есенсіз бе,апай»деп

 «Амансыз ба,тәтей!»деп

Иіліп сәлем береміз!

 Балалар,енді мен сендерге жұмбақ жасырамын.

Жұмбақ: Басында екі таяғы бар,

Төрт аяғы бар

Иегінде сақалы бар

/ешкі/

Басында мүйізі бар

Үстінде киізі бар

/Сиыр/

Кішкене ғана бойы бар

Айналдырып киген тоны бар

/Қой/

Кіріспе бөлім:-Балалар,бүгін біз сендермен үй жануарлары туралы,олардың бізге қандай пайдасы бары туралы ,олардың төлдері туралы,олардың әрқайсына тән қасиеті жайлы сөйлесеміз.Өзіміздің танымдық ой –өрісімізге жаңадан ақпараттар қосайық.Ендеше тыңдайық.

Үнтаспадан үй жануарларының дыбысын тыңдату.

-Балалар,біз қандай жануарлардың дауысын естідік?

-Балалардың жауабы

-Тақтадан қандай жануардың суретін көріп тұрсыңдар?

-Балалардың жауабы

-Олардың бізге қандай пайдасы бар?

-Балалардың жауабы

Суретте көріп тұрғандай аттың күшін пайдаланамыз.Ауыр заттарды алысқа тасымалдау үшін шаруашылыққа пайдаланамыз.

- Оларды неліктен үй жануарлары деп атайды?

оларға адамдар қорада жем беріп,күтіп баптамаса,оларды далаға жіберсе олар ит-құсқа жем болады,қасқыр жеп кетеді.

Бұл жануарлардың бізге азық беруден басқа тағы қандай пайдасы бар?

Экранга қарайық:слайд

Сергіту сәті:
Тіктеп титтей құлағың
Ботам былай жүреді
Сыртылдатып тұяғын
Бұзау былай жүреді.
Алға созып мойынын
Ойнақтайды ботақан
Көкке қарай мұрынын
Шүйіреді қошақан

Зерттеуушілер:Жүн,Жіп.Құстың мамығы./Құстар туралы айта кету/Балалар,қазір жылдың қай мезгілі?Күн суық,далада қар,күн аяз.Сендер білесіңдер ме?Осы жануарлардың терісінен жасалған киімдерді  біз киіп жүрміз. Көрдіңдер ме жануарлардың терісі де,жүні де бізге пайдалы,біздің киетін кейбір қысқы киімдеріміз де осы жүннен жасалған.

Енді төрт түліктің бізге тағы қандай пайдасы бар екенін біз Әжейден сұрайық.Ендеше біз ауылға аттанайық.

 «Али мен Айя»

Біз сиырдан сүт аламыз.Сүтінен қаймақ,май аламыз.Айран ,Құрт Ірімшік аламыз,Жылқының сүтінен қымыз ,саумал аламыз.Етін жейміз,сүтін ішеміз.Түйенің сүті шұбат .Бұлардың бәрі денсаулыққа өте пайдалы,таза өнімдер. Балалар,көрдіңдер ғой алдарыңдағы дәптерден Әже қайсысын атады?Сол тағамдарды белгілеңдер.

-Тапсырманы орындау.

/дәптермен жұмыс/

Балалар, әр жануарлардың өздерінің төлдері болады, біз Әли мен Айямен ауылға барып келгенше төлдер аналарынан адасып кетіпті ендеше оларды аналарына қосайық,Ендеше, «Адасқан төлдер »ойынын ойнайық.Мен суретті жануарды атаймын сендер төлдерін тауып көмектесесіңдер жақсы ма?

-Сурет:Жылқы-құлыншақ

                    Құлыншақ,құлыншақ

                    Шапқылайсың даламен

                    Дос болсайшы, құлыншақ

                   Мен сияқты баламен!

Қой-қошақан

                           Қой баласы қоңырым.

                          Қойдан жуас момыным.

                          Шопан ата түлегі

                          Қошақаным қайдасың?

Ешкі-лақ

Келе ғойшы ,лағым,
Селтеңдейді құлағың.
Су ішіп ал ,кәнеки,
Сені күтіп тұрамын.

Түйе-бота

Жүресің тек монтиып,

Қос өркешің селтиіп.

Қарап жүріп қорқамын

Қала ма деп жел тиіп.

Сиыр-?

-Бұзау сендердің дәптерлеріңнен табылды!Ендеше біз бұзауқанды үзік сызықпен бастыра қояйық.Енді бұзауға ат қоялық.Қане,қандай ат қоямыз?

-Теңбіл дейік иә?

-Қарындашпен жұмыс.

              Сиыр «м»- ны «ө»- ге қосып «мөө» дейді

               Бота «б» ны «ө»  ге қосып «бөөө» дейді

 Ал мен «м»- ны «а»-ға қосып , «ма» деймін «мааа» деймін  «мама»деймін!

Иә,балалар сендерді үйде ата-аналарың еркелету сөздерін айтқанда да тура осы төлдердің атауымен атайды емес пе?

-Қане айтыңдаршы сендерді үйде  еркелетіп қалай атайды?Мысалы: «Ботам», «Құлыншағым»,  «Қошақаным»деген сөздерді жиі айтады.Ендеше төрт түлік мал адамға жақын,пайдалы сүйкімді екенін осыдан білуге болады.

Қорытынды

-Балалар,біз бүгін сабағымызда не жайлы сөйлестік?

-Балалардың жауабы.

 «Малды ұрма.Мал-сенің ырысың»деген нақыл сөз бар.Төрт түлік мал қашанда ырысымыз,ішетін асымыз,киетін киіміміз болып қала бермек.