Ұйымдастырылған оқу қызметінің технологиялық картасы. «Балдәурен» екінші кіші топ.Тақырыбы: «Отан»

Тәрбиеші: Рахман М.Ж.

Білім беру саласы: «Коммуникация», «Таным», «Шығармашылық»

Бөлімі: «Көркем әдебиет», «Құрастыру», «Сурет салу»

Тақырыбы: «Отан»

Мақсаты:

Білімділік: Балалардың патриоттық және адамгершілік сезімін ояту, «Отан» туралы түсініктерін кеңейту. Мемлекет астанасы туралы түсінік беру.

   Дамытушылық: Туған жерге деген сүйіспеншілік сезімдерін ояту. Балалардың қызығушылығын, ойлау, сөйлеу, қабілеттерін дамыту.

   Тәрбиелік: Туған жерін сүюге, қадірлеуге тәрбиелеу.

Көрнекілігі: Тудың, Елтаңбаның, Н. Ә. Назарбаевтың сурттері.

Билингвальды компонент: Отан – родина, астана – столица, ту – флаг, елтаңба – герб.

Қызмет кезеңі

Мотивациялық – қозғаушылық

Тәрбиешінің қызметі

Балалар, бүгін ерекше күн екен. Біздің сабағымызға көптеген қонақтар келіп отыр. Олай болса, балалар, қонақтармен амандасайық.

Сәлеметсіздер ме!

Шаттық шеңбер

Амансың ба, алтын күн!

Амансың ба  көк аспан!

Амансың ба  достарым!

Сендерді көрсем қуанам!

Жарайсыңдар, балалар.

Ұйымдастырушы – ізденушілік

Балалар, мен сендерге бір өлең шумағын оқып бергім келеді, тыңдайықшы:

Отан деген – Атамекен,

Отан деген – туған жер.

Отан – ана, Отан – үлкен,

Қазақстан – туған ел!

   Тәрбиеші: Бұл өлең не туралы екен? Бүгінгі біздің оқу қызметіміздің тақырыбы «Отан» туралы. Отан – біздің еліміз, жеріміз, туған – туыс, бауырымыз, ауыл – қаламыз, өзіміз туып өскен жеріміз. Біздің Отанымыз Қазақстан.

     Қазақстан республикасының мемлекеттік әнұраны орындалады.

Тәрбиеші: Балалар сендер қандай ән орындадыңдар?

Тәрбиеші: Дұрыс айтасыңдар, балалар. Әнұран – салтанатты ән. Мемлекеттік әнұран – егеменді еліміздің Туы мен Елтаңбаның баламасы. Балалар, біз Қазақстан Республикасында тұрамыз. Қазақстан  Республикасының тұңғыш президенті Нұрсұлтан Әбішұлы Назарбаев – еліміздің, жеріміздің, елордамыздың дамуы үшін көптеген батыл қадамдар жасаған адам. Оның арқасында бүгінгі таңда Қазақстан – жан – жақты дамыған елдердің қатарында.  Біздің ұлтымыз - Қазақ. Ал біздің мемлекеттік тіліміз – қазақ тілі. Біздің Қазақстан Республикасының бас қаласы - Астана қаласы. Астана – Отанымыздың жүрегі, әсем қала. Мына суретке қараңдаршы нені көріп тұрсыңдар?

Тәрбиеші: Өте жақсы, балалар! Астананың орталығында көкке бой созып тұрған «Бәйтерек» - қазіргі Қазақстанның нышан – символы. Әрбір республикасының өз ерекшелігін білдіретін әнұраны, Туы, Елтаңбасы болады. Біз оны рәміздер деп атаймыз. Осы рәміздер туралы жеке – жеке түсінік берейін.

Сергіту сәті:

Тәуелсіз елдің тірегі

Біз боламыз жүрегі

Артқа қадам баспаймыз

Тек алға – алға бастаймыз

Қыран құстай қалықтап

Болашаққа самғаймыз.

 -Балалар, суретке назар аударайықшы, мынау Қазақстан Республикамыздың Туы. Тудың түсі аспанның түсіне ұқсайды – көк, ортасында күн шуағы. Астында бүркіт ұшып келе жатыр. Қазақстанда тұратын барлық халықтардың өмірі күндей жарқырап қырандай самғай берсін дегені. 

 -Ал мынау біздің – Елтаңбамыз. Елтаңбаның басты элементі – шаңырақ. Шаңырақ бастауы – отбасы ошағынан басталады. Қанатты тұлпар – мәңгілік өмір, болашақ үміт артар жас ұрпақтың арманы, самғау  биігі. Елтаңба төбесінде бес бұрышты жұлдыз бар. Ал төменгі жағында «Қазақстан» деген жазуы бар.

Тәрбиеші: балалар шаршап қалған шығарсыңдар, қане, бойымызды бір сергітіп алайық.

Тәрбиеші: Керемет! Ал, енді, өз орнымызға жайғасайық! Балалар қағаз кескінділерінен Бәйтеректің фотосуретін құрайды. Өте жақсы, балалар! Қолдарынан бәрі келеді екен.

Дидактикалық ойын: «Өз туынды тауып ал»

Мақсаты: Балаларды Отан сүйгіштікке тәрбиелеу, еліміздің рәміздері туралы білімдерін дамыту.

Шарты: Слайдта көптеген мемлекеттердің туы көрсетілген. Осы тулардың ішінен өз туың көрсету керек.

Тудың суретін бояту.

Рефлексивті коррекциялаушы

Тәрбиеші: Балалар, біздің Республикамыз қалай аталады?

Тәрбиеші: Қазақстан Республикасының президенті кім?

  Тәрбиеші: Қазақстан Республикасының астанасының қай қала?

  Тәрбиеші: Қазақстан Республикасының рәміздері қандай?

  Тәрбиеші: Тудың түсі қандай? Тудың ортасында не бейнеленген?

  Тәрбиеші: Елтаңбада не бейнеленген?

 Тәрбиеші: Дұрыс айтасыңдар, балалар, еліміздің ашық аспандай көгілдір туымыз, айбынды елтанбамыз, мағыналы әнұранымыз бар. 

  Балалар естеріңде болсын Қазақстан Республикасының рәміздерін, мемлекеттік тілін құрметтеп, өз еліңді, жеріңді қорғап, халқына адал еңбек ету керек. Сонда ғана адал азамат, азаматша болып ер жетесіңдер.

Балалар: Қазақстан Республикасы.

Балалар: Нұрсұлтан Әбішұлы Назарбаев.

Балалар:  Астана қаласы.

Балалар: Әнұран, Елтаңба, Ту.

Балалар: Көгілдір. Сары түсті күн, астында ұшып бара жатқан бүркіт.

Балалар: Шаңырақ, күн сәулесі, бес бұрышты жұлдыз, «Қазақстан» деген жазуы бар

Күтілетін нәтиже:

Біледі: Біздің Отанымыз туралы қойылған сұрақтарға жауап беруді.

Түсінеді: Қазақстан Республикасының кең байтақ және бай мемлекет екенін.

Меңгереді: Қазақстан Республикасы туралы мәліметтерді оқу қызметтерінде қолдана білу дағдыларын.