«Ақ мамам» атты 8-Наурыз халықаралық аналар мерекесіне арналған ертеңгілік

31.05.2019

Тәрбиеші: Сергазина М.С.

Мақсаты:

Аналар мерекесінің құрметімен  таныстыру.

Оларға деген  құштарлық сезімін ояту.

Өнерлерін  корсету  арқылы аналарға қуаныш сыйлау.

Жүргізуші:

Қош келдіңіздер аяулы аналар, асыл әжелер, қызғалдақ қыздар. Көңілдеріңізге көктем шуағындай,сезім мен нұр құйып 8 – наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірдің гүлі көңілдің жыры әр отбасының алтын діңгегі. Ендеше көктемнің алғашқы күндеріне арналған ертеңгілігімізді бастауға рұқсат етіңіздер.                                                                                                                             

Қыз:

Армысың мейірімді аналарым,                                                                                        

Мейірбан ашық көңіл даналарым,                                                                                                    

Гүл көктемнің алғашқы мейрамымен,                                                                                                 

Құттықтайды сіздерді балаларың                                                                               

Ұл:

Армысың ақжаулықты әжелерім,                                                                                     

Ақылы дариядай кемеңгерім                                                                                               

Ардақты аналардың мейрамында                                                                                                    

Арнайды бүлдіршіндер өлеңдерін,                                                                                                   

 Қыз:

 В добрый день, Восьмое марта.                                                                                                                                                   

Мамам нашим шлем привет!                                                                                                                  

«Мама» — слово дорогое, 

 В слове этом жизнь и свет.                                                                                                              

 Ұл:

 I love mother, she loves us,                                                                                                                                            

We love daddy, he loves us.                                                                                                                        

He loves us and so you see,                                                                                                            

We are a happy family.  

Балалар бимен залға кіреді.                                                            

Жүргізуші:

Ару ана өмірдің асылдары,                                                                                             

Жайнаған көңілімнің жасыл бағы                                                                                           

Сіздер үшін ән мен би өлең мен күй                                                                               

Сіздер үшін мереке шашулары                                                                                                                                   

 Жүргізуші:

Олай, болса асыл аналар,                                                                     

 Ақжаулықты әжелер мерекелеріңіз құтты болсын.                                                                                                                

Жер әлемді жайнатып,                                                                                                           

Әнші құстарды сайратып,                                                                                                      

Гүлге бөлеп даланы,                                                                                                                          

Әнге бөлеп қаланы,                                                                                                                 

Көрікті көктем келді                                                                                                               

Ортаға музыкамен көктем кіреді Көктем:

Мен көңілді көктеммін,                                                                                                     

Былтырда келіп кеткенмін                                                                                                   

Құшағым гүлге толсын деп                                                                                                                                                                                     

Нөсерімді төккенмін.                                                                                                             

Жүргізуші:

Ару көктем, қош келдің, төрге шық. Сенің көктемгі жаңбырыңның арқасында айналамыз әсемдікке кенелді.

Кең байтақ даламыз гүлге бөленді.

Сондықтан ару көктем біз саған ризамыз.                                                                                   

Қыз:

 Біздің халық өнерпазға бай тегі.                                                                                            

Әнші деп те күйші деп те айт оны                                                                                             

Ұл:

Күлімдеген көктемге көктем жайлы                                                                              

Жақсылап бір ән шырқасақ қайтеді                                                                         

Ән: «Көктем»  Көктем:

Гүлдердің сан алуан,                                                                                               

Түрлерін мен білемін                                                                                                                  

 Сол гүлдерді өсіріп                                                                                              

Аялаумен келемін                                                                                                                  

Гүлдер орнынан тұрады.                                                                                                                        

Бәйшешек:  

Малика:

 Көктем гүлі бәйшешек                                                                                                      

Мен боламын қараңдар                                                                                                                 

Наурыз сәуір айында                                                                                                                                

Мен шығамын жайқала                                                                                            

Қызғалдақ:

 Сая:

Қырқалардың төрінде                                                                                                     

Қаулап көзге ұрамын,                                                                                                         

Құлпыра жайнап өңірде                                                                                                                          

Қып қызыл боп тұрамын                                                                                                                    

 Жауқазын:

 Альмира:

Жауқазынмын жайқалған                                                                                      

Сұлу гүлмін жайнаған                                                                                                           

Көктемде мен гүлдесем                                                                                                         

Құлпыра кетер айналам                                                                                                          

Раушангүл:

Аружан:

Әдемімін сұлумын,                                                                                           

Менен қай гүл аса алған                                                                                                                 

Мен боламын раушангүл                                                                                                                                    

Гүл патшасы атанған                                                                                                                     

 Көктем: Кең даламды хош иісімен, сұлулығымен жайнатқан менің әсем гүлдерім аналарымызға қуаныш сыйлап би билеп берейік.                                          

Би: Гүлдер (қыздардың орындауында)                                                                                                       

Жүргізуші:

Ардақты асыл аналар. Мінекей күлімдеген көктем келіп айналамыз құлпырып кетті.   Көрікті көктемнің алғашқы мерекесі аналар күні қарсаңында бүлдіршіндер сіздерді құттықтап, сазды сәлем бағдарламасында қонақта болған еді. Енді кезекті сол бағдарламаға берейік.  Эфирде жүргізуші ұл мен қыз отырады

Жүргізуші:

Армысыздар құрметті теле көрермендер! Эфирде сіздермен бірге «Сазды сәлем» бағдарламасы. Бүгін біздің студиямызда балабақшамыздың бүлдіршіндері қонақта.

Қыз: ана әрбір адамның жарық дүниедегі ең жақын жанашыры, ақ сүтін беріп аялаған, өз жанын  да аямаған ардақты адам. Ендеше бүгінгі хабарымыз аналарға арналады. Сондықтан сазды сәлем хабары арқылы барша аналарды мейрамымен құттықтаймын.

Ұл: Олай болса аяулы аналарын құттықтауға келген бүлдіршіндердің ыстық ықыласын таңдайық.                                                                                                          

Тақпақтар: 

1 Қ.Алихан:

Бүгін Наурыздың сегізі,
Сұлулықтың егізі.
Әдемі сөз анамның,
Анаға айтар лебізі.
Мәпелейсің мені анам
Қолыңдағы құсыңдай
Құлпыра өсіп дем алам
Құшағыңда қысылмай

2Наргиза:

Ана дейміз бәріміз де аңқылдап,                                                                                  

Ана дейді жас сәби де жарқылдап,                                                                                                       

Ана деген бәйтерегі өмірдің,                                                                                                          

Ана деген алтын қазық алтын бақ.                                                                                               

3Аян :

Мәпелейді, әлдилейді, бағады.                                                                                                         

«Құлыным» деп құшағына алады                                                                                       

Өзгеге де, өзіне де жауапты                                                                                                   

Барлығына қалай уақыт табады?!                                                                                                     

4 АЙСУЛТАН:

Ана десем алғыс алам халқымнан
Ана десем теңіз болам шалқыған
Ана десем ,ашылады қабағым
Ана десем әділдікті ұғамын
Біз ғана емес
Қадір тұтқан бабалар
Аналардаң туған небір даналар
Ана деген тіршіліктің тірегі
Армысыздар,қасиетті аналар!

5.АРУЖАН:

Үн қатамын бал тілмен
Еркелеймін әр күн мен
Құттықтаймын анашым
Сегізінші наурызбен

6 А.АЛИХАН:

Құттықтаймыз аналарды, қыздарды,
Мерекеден шуақты бір із қалды.
Болсын әркез көтеріңкі көңілдер,
Нұрын шашсын мерекеге өңірлер!

7.ЖАНТӨРЕ

Сауле шашқан әсем күндей
Көтерілсін көңіліңіз 
Жарқыраған қызыл гүлдей
Болсын әсем өміріңіз

Жүргізуші:Құрметті көрермендер сіздер біздің хабарымызға қоңырау шалып, құттықтау жолдай аласыздар. Біздің байланыс телефонымыз 271-35-45 Жақын жандарыңызды құттықтауға асығыңыздар. (Қоңырау соғылады)

Ұл: Мінекей біздің хабарымызға хабарласып отырған алғашқы көрерменіміз де бар екен. Тыңдайық! Алло сәлеметсіз бе? Алло сәлеметсіз бе? Менің атым Даулет. Мен әжемді меркесімен құттықтаймын.

Ұл: Әжеңе қандай тілек айтасың?                                                                                                                               

 

8 .ДАУЛЕТ

Өзің мені өсірген
Айналайын ақ әжем
Тентек болсам кешірген
Ауырмашы ,ай әжем.                                                                                                                                                                 

 Енді менің әжеме арнап әдемі ән берсеңіздер екен. Сау болыңыздар!

 Ән: «Атам, әжем» 

Жүргізуші: Осы бір тамаша әннен соң біз хабарымызды одан әрі қарай жалғастырамыз.     

Ана деген бәйтерегі өмірдің                                                                                                       

Ана деген қуанышы көңілдің                                                                                                                                                 

Ана деген әрбір үйдің жылуы                                                                                                               

Ана деген гүлі туған өңірдің                                                                                                                                          

Ана бір қолымен бесік тербетсе бір қолымен әлемді тербетеді. Ананың көз нұры тастай мұзды да жібітеді екен, ендеше асыл аналарды құттықтауға асығыңыздар. Ал біз хабарымызды одан әрі студиямыздың қоржынына келіп түскен мына бір хатпен жалғастырамыз.                                             

 «Құрметті сазды сәлем бағдарламасы» деп басталады бұл хат. Менің атым  Болат мен сіздердің хабарларыңызды үзбей көремін. Мен әскери борышымды әскерде өтеп жүрген сарбазбын. Сіздерге хат жолдап отырған себебім сіздердің бағдарламаларыңыз арқылы аяулы анамды және әжемді 8 наурыз аналар мерекесімен құттықтаймын! Мен оларға зор денсаулық, мол бақыт, ұзақ өмір тілеймін. Музыкалық сәлем ретінде би жолдасаңыздар екен. Құрметті көрермендер «Лезгинка» биін тарту етеміз қабыл алыңыздар.                                 

 Би: ( Лезгинка)

Жүргізуші:  Балалардың тақпақтарын қабыл алыңыздар: 

Тақпақтар:

9 .МАЛИКА

Әже деген көп шығар
Әжемдей менің жоқ шығар
Мейірімді бұл кісі
Қандай ғажап күлкісі

10 .МАНСУР

Әке емес ана жақын мен үшін, 
Ана десе, күлімдейді жүрегім. 
Дүрсілдейді, гүлденеді әрқашан,
Ана бақыт, ана шуақ мен үшін

11.Әлинұр:

Тірегім болып жанымда

Бірге еріп жүремін.

Жанашырымын жанымда,

Тек әжем деп білемін.

Жүргізуші:            

Мерекемізді әр қарай жалғастырамыз:

Қыз: Бір өзіңнен бастап өмір жолдарын                                                                               

Жүрегіңе жүрегімді жалғадым                                                                                                                                                  

Өзің мына сыйға берген өмірде                                                                                                                              

Ақ сүтіңді ақтап өту арманым

Ұл: Барша ана құтты болсын мерекеңіз                                                                           

Әрқашанда ана сізбен берекеміз                                                                                             

Ақтасақ ақ сүтіңді асыл анам                                                                                               

Сонда біз кісілікке теңесеміз

 Жүргізуші: Асыл анам жасыл бағым жайнаған                                                                      

Сол бағымда асыр салып ойнағам                                                                                                               

Пәк жүрекпен жыр жазады перзентің                                                                                            

 Бар тілегі сіздерге тек арналған. (қоңырау соғылады)

Қыз: Құрметті көрермендер! Хабарымызға тағы бір көрермен хабарласқан екен. Қоңырау қабылдайық. Алло біз сізді тыңдап отырмыз.Кімді құттықтайын деп едіңіз.

Қыз: Сәлеметсіздер ме? Менің атым (бір ананың аты) «Балауса» балабақшасының ата-анасымын. Мен сіздердің бағдарламаларыңыз арқылы осы балабақша ұжымын және барша аналарды 8 – наурыз халықаралық аналар мерекесімен құттықтағым келіп отыр. Біздің балаларымызға тәлім-тәрбие берумен қатар олардың саналы білімді өнерлі де өнегелі боп өсуіне үлесін қосып орасан еңбек жасап жүрген апайлардың дені сау болсын , бастарына бақ қонсын,  ұстаздық  деген  ұлы жолда талмай шаршамай еңбек ете берсін дегіміз келеді. Апайлардың құрметіне арнап тамаша ән тарту етсеңіздер деймін.

Қыз: Расыменде балабақшадағы апайлардың арқасында көптеген бүлдіршіндер болашаққа самғап биіктерден көрінуде .

Ұл: Осындай апайлардың құрметіне тамаша ән сұраған екен. Ендеше әнімізді қабыл алыңызар.

Ән: «Ақ мамам»

Жүргізуші: Балалар, ұлдар, бүгін тек қана аналарымыз бен әжелеріміздің ғана мерекесі емес, біздің қыздарымыздың да мерекесі. Кәне, қыздарды да құттықтап жіберейік.                                                                                                                                                     

Тақпақтар:

12 .АЛДИЯР

Біз доспыз гүлдермен,                                                                                                                  

Текке оны жұлмаймыз.                                                                                                                   

Той күні бір-бірден,                                                                                                                 

Қыздарға сыйлаймыз.                                                                                                                           

13 .АЛЬМИРА
Ана деген – жарық жұлдыз шырағың
Ана деген- қайнар ыстық бұлағың
Ана деген- өмірдегі қамқорың
Ана деген-сүйенерің,жан құрбым
14 .БЕКАРЫС
Анам-өмір шырағы
Анам-өмір бұлағы
Бесігімнің жыр әні
Жүрегімде тұрады

15 .ІНЖУ

Құтты болсын осы шаттық күніңіз
Бақытты да,ұзақ өмір сүріңіз
Қуанышты жүзіңізбен әрдайым
Бұл өмірде күліп қана жүріңіз

16 .САЯ

Түн ұйқысын төрт бөліп
Әлпештеген анашым
Жақсы болсам асырып
Жаман болсам жасырып
Қамқор болған анашым

17.СЫНБАТ

Ана деген асыл жандар,болаттай
Ана деген мөлдір жандар бұлақтай
О,адамдар ,қадірлей біл ананы
Жат қылыққа ақыл ойды талатпай

18.АИДА
Өмір сыйлаған анашым,
Өзіне мен ризамын.
Аяулы менің анашым
Қайда жүрсем де сағынамын.
Аялаған алақаның,
Мандайымнан сипағаның
Мен бақытты баламын.
Өскен соң, бағамын,
Алғысыңды аламын!

Ән: «Ай хай қыздар ай»

Жүр: Жарайсыңдар,оңда бәріміз ортаға шығып ойын ойнайық.   

Ойын: «Гүлдер»

Тақпақтар: 

19 .АЗИЗА

Түн ұйқыңды төрт бөліп, 
Құшақ жайдың балаға. 
Айым, күнім, қызым деп, 
Еркелетер анада. 
                                                                                                                                                

20.Кәусар:

Әлпештеген аялаған
Ақ сүт берген апатайым
Сәлем жазып бүгін саған 
Мейрамыңмен құттықтаймын
Мені жақсы көреді
Күндей күліп келеді
Көп ертегі біледі 
Маған айтып береді.

21 .ҚЫМБАТ:

Анам менің сүйіктім,

Тек өзіңе табынам

Қасымда жүрсең биікпін,

Алыстасаң сағынам.

 

Би: (Ұлдардың орындауында)  қабыл  алыңыздар. 

ӘН:  Айсултаның  орындауында «Әке  ана».

Жүргізуші: Асыл аналар! Мінекей сіздерді әлпештеп аялап отырған балапандарыңыз болашақта осындай беделді азаматтар болатынына біз сенеміз. Біз ғана емес қадыр тұтқан бабалар                                                                                

Аналардан туған небір даналар                                                                                             

Ана деген тіршіліктің тірегі                                                                                       

 Мерекеңмен қасетті аналар, дей отырып, құрметті көрермендер осымен «Сазды сәлем» хабарымыз аяқталып қалды. Аяулы да ардақты аналар, әжелер, қыздар! Бүгінгі айтылған әдемі әндер мен әсем билер және жақсы тілектер тек сіздерге арналады. Хабарымыздың соңында бүлдіршіндердің өздеріңізге арнаған әсем гүлдерін қабыл алыңыздар. Келесі эфирде кездескенше қош сау болыңыздар!