Балабақшадағы «Тілге бойлау» жобасы

Балабақшадағы «Тілге бойлау» жобасы.

 Қазақстан Республикасы Үкіметінің 2023 жылғы 28 наурыз №249 қаулысымен бекітілген Қазақстан Республикасында мектепке дейінгі, орта, техникалық және кәсіптік білім беру дамытудың 2023-2029 жылдарға арналған тұжырымдамасын іске асыру жөніндегі іс-қимыл жоспарының 13-тармағын орындау мақсатында және Қазақстан Республикасы Оқу-ағарту министрлігінің 2024 жылғы 15 тамыздағы №211 бұйрығынын негізінде 2024-2025 оқу жылында аудандық, білім беру бөлімдерінде басқа тілде оқытатын мектепке дейінгі ұйымдарда «Ақмола облысы білім басқармасының Целиноград ауданы бойынша білім беру бөлімінің жанындағы Қабанбай батыр ауылы «Балауса» бөбекжайы» МКҚК қазақ тілін үйрету үшін «Тілге бойлау» енгізу бойынша пилот жобасын іске асырсын деген ақпарат негізінде 2024-2025 оқу жылынан бастап «Балауса» бөбекжайында орыс тілінде оқытылатын ересек «Смешарики» тобы мен МАД тобы «Почемучки» топтарын жобаға қатысуда.

       Мектепке дейінгі тәрбие мен білім беру баланың жан-жақты дамуына негіз қалайды. Бұл кезеңде балалардың сөйлеу қабілетін дамыту, сөздік қорын байыту және қарым-қатынас дағдыларын қалыптастыру өте маңызды. Осы мақсатта «Тілге бойлау» жобасы балаларды тілдік ортаға еліктіріп, тілді меңгерудің жаңа мүмкіндіктерін ұсынады.

       Жобаның мақсаты:

«Тілге бойлау» жобасының басты мақсаты – балаларды күнделікті қарым-қатынасқа қажетті сөздер мен сөз тіркестерін белсенді түрде қолдануға үйрету, олардың тілдік құзыреттілігін арттыру және мәдени-тілдік құндылықтарға баулу.

     Жобаның міндеттері:

          1.       Баланың жас ерекшеліктеріне сай сөздік қорын дамыту.

          2.       Әртүрлі тілдік ортаны модельдеу арқылы тілді меңгеру деңгейін көтеру.

          3.       Ойын, ән, ертегі және театрландырылған қойылымдар арқылы тілді оқыту.

          4.       Балалардың өзін-өзі еркін және сенімді түрде білдіруіне мүмкіндік беру.

   Жобаның мазмұны:

          1.       Тілді күнделікті қолданысқа енгізу:

Балаларға қарапайым тұрмыстық және әлеуметтік тақырыптар бойынша жаңа сөздерді үйрету үшін ойындық әдістер қолданылады.

 Мысалы, «Сатып алу», «Досыммен сөйлесу», «Отбасым» , «Төрт түлік» сияқты тақырыптарда әңгіме құру.

          2.       Ойындар арқылы оқыту:

Ойын баланың тілін дамытудың ең тиімді әдісі болып табылады. Қимыл-қозғалыс ойындары, тілдік викториналар, сурет бойынша әңгіме құру тапсырмалары балаларды тілді үйренуге қызықтыра түседі.

          3.       Әдебиет және ертегі әлемі:

Балаларға ертегілер оқу, өлең жаттату және шағын қойылымдар қою арқылы олардың тілдік дағдыларын арттыру.

          4.       Мультимедиа құралдарын қолдану:

Тіл үйренуге арналған видеороликтер, интерактивті бағдарламалар мен мультимедиалық сабақтар балалардың тілге қызығушылығын арттырады.

Жобаның нәтижелері:

   Жобаны жүйелі түрде енгізу арқылы келесідей нәтижелерге қол жеткізуге болады:

          •         Балалардың сөздік қорының кеңеюі;

          •         Өз ойын еркін және сауатты жеткізу қабілетінің артуы;

          •         Әртүрлі жағдаяттарда тілдік дағдыларын қолдана білу;

          •         Тіл үйренуге деген қызығушылықтың оянуы.

Қорытынды:

Мектеп жасына дейінгі кезден бастап балаларға қазақ тілін үйрену уақыт талабы болып табылады.Бірақ тіл тек қарым-қатынас құралы ғана емес,тілді үйретубаланың коммуникативтік,танымдық,зияткерлік қабілеттерін дамытып қана қоймайды,сонымен бірге халықтың салт-дәстүрлеріне деген қызығушылықты,сондай-ақ Отанға деген патриоттық сезімдерін қалыптастырады.

Аубакирова Маржан Жуматаевна

Балабақша әдіскері,қазақ тілі маманы.